Lagun egiteko animali batzuk (txakurrak, katuak eta hudoak) Europako Erkidego barruan lekualdatzeko eta beste herrialde batzuetatik etorritako animaliak bertan sartzeko, pasaporte eredu bat onartu da 2004ko irailaren 27ko Aginduaren bitartez.

Euskal Autonomi Erkidegoko albaitari batek bete eta baimendu behar du pasaportea. Dokumentua ofiziala, sanitarioa eta beharrezkoa da eta txakurrak, katuak eta hudoak zuzenki ezagutzeko Europako Erkidego barruan lekualdatzerakoan eraman behar da.

Europar Batasuneko estatu batzuk, Erresuma Batua, Irlanda edo Suedia bezala, zorrotzagoak dira amorrukontrako txertaketarekiko eta pasaporteaz gain azterketa serologikoa eskatzen dute. Informazio guzti hau Parlamentu eta Kontseiluko 2003/998 Erregalamenduak ezartzen du.