EMEn erabilitako terminoak

Behi esne gordina: 40ºC-tik gora berotu ez den edo ondorio berberak sorrarazten dituen tratamendurik jarri ez zaion behi esnea. Hemendik aurrera, eta 31/2007 Dekretua honen ondorioetarako, "esnea" deituko diogu horri.

Establezimendua: esnea hotz tanke eta siloetan gordetzeko leku guztiak; ustiategiak eta eraldaketa, bilketa eta suntsiketako zentroak barne.

Ustiategia: esne ekoizpenerako jezten diren behiak eduki, hazi edo erabiltzen diren edozein instalazio, eraikin edo leku (azken hori, aire libreko hazkuntzaren kasuan).

Bilketa zentroa: operadore bati lotuta dagoen establezimendua, esne gordina jasotzeko eta, hala egin behar bada, hoztu eta arazteko erabil daitekeena.

Eraldaketa zentroa: operadore bati lotuta dagoen establezimendua, esneari manipulazio hauetako bat edo batzuk egiteko erabiltzen dena: gaingabetzea, tratamendu termikoa eta eraldaketa.

Suntsiketa zentroa: hondakintzat jotako esnea kudeatzeko, agintari eskudunek baimentzen duten establezimendua.

Eragilea: esnea duen edo erabiltzen duen pertsona fisiko edo juridiko oro; ekoizleak, operadoreak eta garraiolariak barne.

Ekoizlea: ustiategia Euskal Autonomia Erkidegoko lurraldean duen abeltzaina, pertsona fisiko edo juridikoa, edo pertsona fisiko edo juridikoen taldea, esnea edo bestelako esnekiak zuzenean kontsumitzaileari saldu edo erosleari entregatzen dizkiona.

Operadorea: esnea duen edozein pertsona fisiko edo juridikoa, bilketa edo eraldaketa zentro bati lotuta dagoena edo ez dagoena. Ekoizleak ez dira hemen sartzen. Bai, ordea, erosle merkaturatzaileak eta erosle eraldatzaileak.

Garraiolaria: esnea norbere kontura edo besteren kontura garraiatzen duen pertsona fisiko edo juridikoa.

Edukiontzia: behi esne gordina gordetzeko edozein ontzi. Edukiontzi mota hauek daude:

1. Hotz tankea: esnea entregatu aurretik gordetzeko ontzia, ustiategian edo ustiategiari lotua egoten dena.
2. Zisterna: atoietan edo motorrak eragindako ibilgailuetan esnea garraiatzeko erabiltzen den ontzia.
3. Siloa: bilketa-zentroetan edo eraldaketa-zentroetan esnea gordetzeko izaten den ontzia.

Esne mugimendua: esnea edukiontzietara sartzea edo haietatik ateratzea, Euskal Autonomia Erkidegoan edo kanpoan dauden beste edukiontzi batzuetatik ekarrita edo haietara eramateko.

Zentroko arduraduna: bilketa, eraldaketa edo suntsiketa zentro bakoitzari lotutako pertsona fisikoa, operadoreak izendatzen duena 31/2007 Dekretu honetan aurreikusitako informazioa agintari eskudunari eta 5. artikuluan ezarritako EMEko datu baseari jakinarazteko.

>> Sarrera