Jatorrizko Izendapen Babestua eta Adierazpen Geografiko Babestua

Europako Erkidegoko Kontseiluaren 510/2006 Erregelamenduak, 2006ko martxoaren 20koa, nekazaritza- eta elikagai-produktuen adierazpen geografikoen eta jatorrizko deituren babesaren gainekoa, ondoko definizioak zehazten ditu.

Jatorrizko Izendapen Babestua (JDB)

Eskualde, eremu zehatz edo, salbuespenetan, herri baten izena; nekazaritza- edo elikagai-produktu bat izendatzeko balio duena:

• Aipatu eskualdearen, eremu zehatzaren edo herriaren jatorrizkoa dena.
• Bere kalitatea edo ezaugarriak natur- eta giza-ezaugarriekiko eremu geografikoaren araberakoak dira, oinarrian edo esklusiboki; eta
• Bere ekoizpena, transformazioa eta elaborazioa zehaztutako eremu geografikoan garatzen dira.

Gaur egun, Euskal Autonomia Erkidegoan dauden Jatorrizko Deitura Babestuak ondoko zazpiak dira:

- Arabako Txakolina / Txakoli de Álava / Chacolí de Alava
- Bizkaiko Txakolina / Txakoli de Bizkaia / Chacolí de Bizkaia
- Getariako Txakolina / Txakoli de Getaria / Chacolí de Getaria
- Gernikako piperra / Pimiento de Gernika
- Cava
- Rioja
- Idiazabal

Adierazpen Geografiko Babestua (AGB)

Eskualde, eremu zehatz edo, salbuespenetan, herri baten izena; nekazaritza- edo elikagai-produktu bat izendatzeko balio duena:

• Aipatu eskualdearen, eremu zehatzaren edo herriaren jatorrizkoa dena,
• Aipatu jatorri geografikoari leporatu dakiokeen kalitate zehatz, ospe edo bestelako ezaugarriren bat izatea, eta
• Bere ekoizpena, transformazioa eta elaborazioa zehaztutako eremu geografikoan garatzen dira.

Gaur egun, Euskal Autonomia Erkidegoan Adierazpen Geografiko Babestu bat besterik ez dago:

- Euskal Okela

>> Sarrera