Historian zehar Euskal Herria izan da angula, aingiraren kumea, gehien arrantzatu eta kontsumitu duen lurraldea. Angularen arrantza jarduera tradizionala da eta mende askoan zehar garatu da. Angulak harrapatzen zituztenei angulero deitzen hasi zitzaien. Anguleroak ibaiertzetik joaten ziren, egurrezko bahea eta argiontzia hartuta.

Itsasoa Ikertzeko Nazioarteko Batzordeak aingira europarrari buruz eman duen irizpen zientifikoaren arabera, aingira-kopurua segurtasuneko muga biologikoetatik kanpo dago eta arrantza egun ez da modu jasangarrian egiten. Horregatik, bada, aingira europarra berreskuratzeko neurriak ezarri dituen Kontseiluaren 2007ko irailaren 18ko 1100/2007 (EE) Erregelamenduan xedatu da, aingira europarra berreskuratzeko behar-beharrezkoa dela eskualdeetako eta tokiko baldintzei egokitutako kudeaketa-planak eratzea.

Eusko Jaurlaritzak, Bizkaiko eta Gipuzkoako foru-aldundiekin bat, eta aditu zientifikoen eta angula-arrantzaleen beren laguntzarekin, Euskal Autonomia Erkidegoan Aingira Europarra Berreskuratzeko Kudeaketa Plana idatzi du.

Araudia

• 41/2003 Dekretua, otsailaren 18koa, angularen arrantzari buruzkoa.
• 107/2005 Dekretua, maiatzaren 10ekoa, angularen arrantzari buruzko Dekretua aldatzeari buruzkoa.
• EAEko Aingira europearraren kudeaketa plana (aurreko bi dekretuak aldatzen ditu)

EAE-an Aingira Berreskuratzeko Kudeaketa Planaren bidez ezarri diren berrikuntzak:

• Angula europear aingira gaztea da 12 zentimetro baino gutxiago tamainarekin.
• Debekatuta dago 12 zentimetro baino gehiago duten Europako aingirak harrapatzea EAEko barne uretan.
• Arrantza denboraldia: azaroaren 15tik urtarrilaren 31ra
• Gehieneko arrantza. Gehienez 2 kg arrantzale bakoitzeko (bai lurretik bai ontzitik).
• Aurreko denboraldietan lizentzia izan ez dutenei ez diete emango lizentzia denboraldi honetarako.

Modalitateak

Lurretik: arrantzaleak gutxienez 16 urte izan behar ditu.

Ontzitik:

• Baimena ontziari lotuta dago
• Gutxienez 18 urte izan behar dira
• Beharrezkoa da itsasontzia eraman ahal izateko patroi-titulua izatea

Arrantza-tresnak

Baimendutako arrantza-tresna bahea da, edozein motatakoa eta gehienez 1,8 m-ko diametroa duena. Pertsona bakoitzak esku-aitzur bat ere eraman ahal izango du.

Debekatuta dago tresna mekanikoak edo bestelako arrantza-tresnak erabiltzea.

Arrantza-denboraldia

2011-2012 denboraldia: azaroaren 15tik urtarrilaren 31ra

Kupoa

Arrantzale bakoitzak, gehienez 2 kg harrapatu ahalko ditu egunean (hala lehorretik nola itsasontzitik)

Gehieneko neurria

12 zentimetro.

Lizentziara heldu >>