Itsaski-bilketa

Helburu nagusia berezko mainuen eraentza eta biologia-eskuarteen zaingua denez, beharrezkoa da biltzaile-errolda itxiak eratzea, haren kideak arrantza eskubideak izanteko. Itsaski-bilketaren moetako arrantzuan aritzeko ezinbesteko baldintza izango da Nekazaritza, Arrantza eta Elikadura Saileko Itsaski-biltzaileen Erroldan sartuta egotea.

Itsaski-biltzaileen erroldan izena ematea

Itsaski-biltzaileen erroldan sartuta egoteko beharrezkoa da:

• Arduralaritza-egoitza izatea Euskal Herriko udalen batetan.
• 16 urtetik gora izatea.
• Lanbide horretarako beharrezko ezagutzak egiaztatzea, batez ere arte, gebenaldi eta gutxienezko neurriei buruzkoak.
• Itsaski-bilketan ohiz eta lanbidez aritzea eta harrapatutakoaren salmentatik irabaziak ateratzea.
• Itsas-alorreko Gizarte-Segurantzaren bere kabuzko edo lansaripeko bazkide izatea.

Itsaski-biltzaileen erroldan izena ematerakoan Arrantza eta Akuikultura Zuzendaritzak lizentzia pertsonala ematen du.

-  Itsaski-biltzaile profesionalarako baimen-eskaera (pdf 148 Kb)

Erroldan izena emateko aurkeztu behar den dokumentazioa:

• NANen fotokopia.
• NAN tamainako 2 argazki.
• Arduralaritza-egoitzaren egiaztagiria.
• Idazki bat, harrapatu nahi dituen moeta zehaztuz eta lanbide horretarako beharrezko ezagutzak, batez ere arte, gebenaldi eta gutxienezko neurriei buruzkoak dituela egiaztatuz.
• Itsas-alorreko Gizarte-Segurantzaren bazkide-agiriaren aldakia
• Doakiona, itsaski-bilketan ohiz eta lanbidez arituko denaren hitza ematea, harrapatutakoaren edo salmenten berri emanez Arrantzale-Kofradiari.

Eskaerak aurkezteko tokia: eskatzailearen udaleko Arrantzale-Kofradian.

Baliozkotzea

Errolderapenak 5 urteko indarraldia izango du, eta BALIOZKOTZEKO aski izango da doakionaren eskabidea eta dagokion Arrantzale-Kofradiaren eta Arrantzu-Artezkaritzaren Teknika-Zerbitzuen aldezko erizpena.

-  Baliozkotze eskaera-eredua (pdf 192 Kb)

Moluskuak ekoizteko guneen sailkapena