Baimendutako espezieak, haien gutxieneko neurriak eta gehieneko harrapaketa-kopurua
Harrapa daitezkeen espezieak
KANPOKO UREI dagokienez, Itsasoko Kirol-arrantza arautzeko arauak ezartzen dituen 1999ko otsailaren 26ko Agindua aplikatzen da (1999ko martxoaren 3ko 53 zenbakidun BOEn argitaratu zen). Agindu horrek espezie hauek arrantzatzea debekatzen du:
- Kusku biko moluskuak edo gasteropodoak
- Europako Erkidegoko edo Espainiako arautegiak nahiz Espainiak sinaturiko nazioarteko hitzarmenek harrapatzea debekatzen duten beste edozein espezie.
BARNEKO URETAN, aldiz, itsaski-espezie horietako BATZUK harrapa daitezke, beti ere, gehieneko harrapaketa-kopuruak, gebenaldiak eta gutxieneko neurriak errespetatuz, eta Itsasoko Kirol Arrantzaren arautegia onartzeko den urriaren 3ko 198/2000 Dekretuaren II. ERANSKINAK ezarritakoaren arabera.
Hona hemen Bizkaiko Golkoan gehien ikusten diren espezieak eta horiek arrantzatzeko garaiak:
|
Espeziea
|
Garaia
|
|
Karraspio atlantikoak, dontzeilak, txistuak, panekak, etab.
|
Urte osoan
|
|
Lupia
|
Apiriletik abendura
|
|
Txipiroia
|
Maiatzetik abendura (nolanahi ere, urte osoan harrapa daiteke)
|
|
Tunidoak
|
Uztailaren hasieratik urrira (data horiek aldakorrak dira)
|
|
Berdela
|
Apiriletik maiatzera (nolanahi ere, urte osoan harrapadaiteke aleren bat edo beste)
|
|
Txitxarroa
|
Ia urte osoan, baina udazkenean batez ere
|
Gutxieneko neurriak
Gutxieneko neurriei dagokienez, barruko nahiz kanpoko uretan errespetatu egin beharko dira honako arauek ezarritakoa: Itsas erakundeek arrain gazteak babesteko hartutako neurri teknikoen bidez arrantza-baliabideei eusteari buruzko 1998ko martxoaren 30eko 850/98 Erregalamenduaren XII. eranskina (L 125 zenbakidun aldizkari ofiziala, 1998/04/27koa) eta arrantzako espezie jakin batzuen gutxieneko neurriak ezartzen dituen apirilaren 7ko 560/1995 Errege Dekretua (BOE 84. zk., 1995eko apirilaren 8koa).
Horrela, Itsasoko kirol-arrantzaren arautegia onartzeko den urriaren 3ko 198/2000 Dekretuaren 13. artikuluaren arabera (EHAA, 196. zk., 2000ko urriaren 11koa), itsasoko kirol-arrantzan nahitaez errespetatu behar dira Bizkaiako Golkoko ipar-mendabaldeko kalerako ezarri diren gutxieneko neurriak (pdf 17,4 Kb), eta neurri horietatik beherako arrain guztiak itsasora itzuli behar dira.
Gehieneko harrapaketa kupoak
Hona hemen kirol-arrantzaleek errespetatu beharreko gehieneko harrapaketa-kupoak:
- 5 kg litzentzia eta eguneko edo, pisu hori gaindituz gero, pieza bat litzentzia eta eguneko. Harrapaketak pisu hori gainditzea eragiten badu, gehiegizko pisu hori onartu egindo da.
- Ontzi bateanlitzentzia daukaten 5 tripulazio-kide edo gehiago badaude, ontzi osoarentzako kupoa 25 kg-koa izango da. Ontzi batean dagoen litzentzia-kopurua ezin izango da inoiz itsasontziko despatxuko tripulazio-kideen kopurua baino handiago izan.
- Urpean egiten den itsasoko kirol-arrantzaren kasuan, 5 kg-koa da gehieneko muga.
PELAGIKO HANDIAK: Alabaina, pelagiko handien kasuan atun hegaluzea (thunnus alalunga), el atun hegalburra (thunnus thynnus), atun moja (thunnus obesus), ezpata-arraina (xiphias gladius), makaira espezieak (makaira spp.), akulak (tetrapturus spp.), belarrain atlantikoa (istiophorus albicans) eta legatza (merlucius merlucius), harrapaketa-kopuruak beste batzuk dira, honakoak hain zuzen ere:
|
Hegaluzea
Atun moja
Legatza
|
|
5 pieza baimen eta eguneko. Gehienez 20 pieza, 4 tripulazio-kidek edo gehiagok baimena dutenean
|
|
|
|
|
|
Ezpata-arraina
Marlinak
Akulak
Belarraina
|
|
Pieza 1 baimen eta eguneko, eta gehienez 4 pieza itsasontzi eta eguneko
|
|
|
|
|
|
Hegalaburra
|
|
Pieza 1 itsasaldiko eta bere pisua 30 kg baino gehiago izan behar du
|
Gainera, 2000ko uztailaren 24ko Aginduak (BOE, 180. zk., 2000ko uztailaren 28koa) aldatu zuen eta Itsasoko kirol-arrantza arautzeko arauak ezartzen dituen 1999ko otsailaren 26ko Aginduaren (BOE, 53. zk.,1999ko martxoaren 3koa) III. eranskinean jasota daude espezie horiek, eta halakoei bestelako babes-neurriak aplikatzen zaizkie. Hori dela-eta, espezie horiek harrapatu nahi izanez gero, baldintza hauek bete behar dira:
- Itsas Arrantzako Idazkaritza Nagusiak ontziarentzat espresuki emandako baimena eduki behar edo
- Lehorreratutakoaren aitorpena aurkeztu behar da. Itsasoko kirol-arrantzaren arautegia onartzeko den urriaren 3ko 198/2000 Dekretuaren 19. artikuluak ezartzen du kirol-ontzien kapitain edo patroiek edo, kasuan kasu, baimenen titularrek, hain kasa edo aintzatetsitako kirol-elkarten bidez, lehorreratutakoaren aitorpena aurkeztu edo igorri behar dutela Arrantza Ikuskaritzako Zerbitzura, baldin eta babes-neurri berezien menpeko espezierik harrapatzen badute, eta, horretarako, eredu ofiziala erabili behar dutela (aipatutako dekretuaren II. eranskina). Lehorreratzea egiten denetik gehienez ere 7 egun natural dituzte aitorpea Itsas Arrantzako Idazkaritza Nagusira bidaltzeko.
Itzuli
